Sý tasqynynan zardap shekken oblys ortalyǵynyń alǵashqy turǵyndaryna páterler berildi

Búgin Kókshetaýda sý basý aımaǵynda qalǵan zardap shekken turǵyndarǵa páter kiltteri tapsyryldy.

Páter kiltterin Aqmola oblysynyń ákimi Marat Ahmetjanov tabys etti, ol memleket zalaldy azaıtý úshin barlyq sharalardy qoldanyp jatqanyn atap ótti.

«Memleket basshysynyń tapsyrmasy boıynsha Aqmola oblysynda azamattardyń qaýipsizdigin qamtamasyz etý jáne olardyń qajettilikterin sheshý boıynsha úlken jumys júrgizilýde. Búgin siz páter alǵan alǵashqy adam boldyńyz. Otbasylaryńyzda bári jaqsy bolyp, qıynshylyqtar artta qalsyn», — dedi Marat Ahmetjanov.

Memlekettik qordan alǵashqy turǵyn úı alýshylar Qaparovtar jáne Nıkýlınder kópbalaly otbasylary boldy. Alynǵan páterlerdi turǵyndar ózderi tańdady. Páterde turý úshin qajet nárseniń bári bar.

«Prezıdentke bizdiń máselelerimizdi tez sheshkeni úshin alǵys aıtamyz.  Bizdiń otbasymyz úshin bul úlken qýanysh, balalar rıza, barlyǵyna úlken rahmet.  Biz óz tarapymyzdan osy úıde tek qýanyshty sátterdiń bolýyna tyrysamyz», — dedi Sáýle Qaparova.

Memleket basshysynyń tapsyrmasy boıynsha Aqmola oblysynda zardap shekkenderge barlyq qajetti qoldaý kórsetiletinin jáne azamattardyń múlkin qalpyna keltirý boıynsha barlyq sharalar qoldanylyp jatqanyn atap ótken jón.

О́ńirde shyǵyndardy óteý jáne joıý jónindegi jumys turǵyn úı qatynastary týraly qoldanystaǵy zańnama sheńberinde jalǵastyrylatyn bolady. Keshe oblys ortalyǵynyń 174 otbasy
65 mln. teńgeden astam somaǵa birjolǵy tólem aldy.  Sondaı-aq, materıaldyq shyǵyndardy baǵalaý jáne óteý jónindegi komıssııa
12 otbasyna 8 mln. teńgeden astam kólemde materıaldyq zalaldy óteý týraly sheshim shyǵardy.

Sonymen qatar, arnaıy komıssııa qazirgi ýaqytta turǵyn úıdiń odan ári turýǵa jaramdylyǵyn anyqtaý boıynsha tehnıkalyq tekserýler júrgizýde.