جاڭالىقتار
2 پايىزدىق يپوتەكا: قانشا وتباسى پاتەر الادى
تۇرعىن ءۇي قۇرىلىس جيناق بانكى ارقىلى جىلدىق 2 پايىزدىق نەسيەمەن 5 مىڭ وتباسىنىڭ باسپانا جاعدايى جاقسارتىلادى. بۇل تۋرالى قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ايتتى.
«از قامتىلعان كوپبالالى وتباسىلارىنا, تولىق ەمەس وتباسىلار مەن مۇمكىندىگى شەكتەۋلى بالالارى بار وتباسىلارىنا تۇرعىن ءۇي قۇرىلىس جيناق بانكى ارقىلى جىلدىق 2 پايىز بويىنشا كرەديت بەرۋ باستالدى. بۇل 5 مىڭنان استام وتباسىنىڭ تۇرعىن ءۇي جاعدايىن جاقسارتۋعا مۇمكىندىك بەرەدى», — دەدى ب. اتامقۇلوۆ پارلامەنت ماجىلىسىندە «نۇرلى جەر» باعدارلاماسىنىڭ جۇزەگە اسىرىلۋىنا ارنالعان ۇكىمەت ساعاتىندا.
ونىڭ سوزىنە قاراعاندا, اعىمداعى جىلدىڭ 1 قازانىندا رەسپۋبليكادا 3864 ءوتىنىم قابىلداندى, سونىڭ ىشىندە 33 ملرد تەڭگە سوماسىنداعى 3236 ءوتىنىم ماقۇلداندى.
سونىمەن بىرگە, قر تۇڭعىش پرەزيدەنتىنىڭ تاپسىرماسى بويىنشا جاستار جىلى اياسىندا بيىل نۇر-سۇلتان, الماتى جانە شىمكەنت قالالارىنداعى جۇمىس ىستەيتىن 3 مىڭ جاستار ءۇشىن ءۇش مىڭنان كەم ەمەس جالعا بەرىلەتىن پاتەر قۇرىلىسى باستالدى. 2021 جىلعا دەيىن 9 مىڭ جالعا بەرىلەتىن پاتەر سالۋ جوسپارلانعان. بۇدان بۇرىن حابارلانعانداي, ۇكىمەت ساعاتىندا 2019 جىلى كوپبالالى وتباسىلارعا 8 مىڭنان اسا پاتەر بەرىلەتىنى ايتىلدى.
دەرەككوز: https://www.inform.kz/kz/2-payyzdyk-ipoteka-kansha-otbasy-pater-alady_a3572709
