Túrkimenstan qazaqtary tarıhı otanyna oraldy

13 mamyr kúni Mańǵystaý oblysynyń Jańaózen qalasyna 256 qazaq kóship keldi. Arnaıy 8 vagonnan turatyn poıyzdaǵy jaqyndaryn týystary men jaqyndary ánmen qarsy aldy. Araǵa uzaq jyldar salyp bir-birimen qaýyshqan jandar kózderine jas aldy.

Zeınesh, Túrkimenstannan kóship kelgen qazaq:

— Qýanyshtymyn. О́te kúshti sezimdemiz. Aǵaıyn-jekjatqa, otanymyzǵa oralyp jatqanymyzǵa qýanyshtymyz.

Qarshyǵa, Túrkimenstannan kóship kelgen qazaq:

— Qýanyshtan tolqyp turmyn. О́ıtkeni kóship keldim, soǵan baqyttymyn. Bul kúndi uzaq kúttim, bir jyl eki aı.

Mal-múlkin satyp, kóshýge daıyn otyrǵan kezde pandemııa bastalyp, shekara jabylyp qalýyna baılanysty qandastarymyz otanyna orala almaı qalǵan. Bir jyldan soń qandastarǵa otanyna, eline oralý baqyty buıyrdy.

Aqpanda bir top qazaq kórshi elden kóship kelgen edi. Bul — ekinshi reıs. Olardyń aıtýynsha Túrkimenstanda áli de elge oralǵysy keletin júzdegen qazaq bar.

Ajargúl Baımuratova, Túrkimenstannan kóship kelgen qazaq:

— Túrkimenstanda qalǵan áli qansha týysymyz bar. Olar bizben kelmegen soń, jylaǵymyz keldi. Zorǵa keldik. Olar endi kelesi reıspen keledi.

Derekkóz: Azattyq ınstagram parqshasy