Украина президенті Владимир Зеленский Ақ үйде АҚШ президенті Дональд Трамппен өткен жабық кездесуде талқыланған негізгі мәселелер туралы мәлімдеді. Бұл туралы Qandastar.kz хабарлады.
Зеленскийдің айтуынша, әңгіме барысында Украина халқының қауіпсіздігін қамтамасыз ету және бейбітшілікке қол жеткізу бағытындағы ынтымақтастық сөз болған. Сондай-ақ ол АҚШ президентіне Украинаны қолдап келген сенатор Линдси Грэмнің қайтыс болуына байланысты көңіл айтқан.
Кездесуде Patriot әуе қорғаныс жүйесіне арналған тосқауыл қоюшы зымырандарды өндіруге лицензия беру мүмкіндігі және қорғаныс саласындағы өзге де бірлескен жобалар талқыланған.
Бұдан бөлек, екі ел басшылары дипломатиялық үдерісті жандандыру мәселесіне тоқталған. Зеленскийдің сөзінше, алдағы уақытта Украина мен АҚШ командалары ынтымақтастықтың келесі кезеңіне қатысты барлық ұйымдастыру мәселелерін пысықтайды.
Украина президенті АҚШ-қа көрсетіп отырған қолдауы үшін алғыс білдіріп, екіжақты байланысты жалғастырудың маңызын атап өтті.
Айта кетейік, Ақ үйдегі кездесу жабық форматта өтті. Оған бұқаралық ақпарат құралдарының өкілдері қатыстырылмады және келіссөздерден кейін екі ел президенті баспасөзге мәлімдеме жасаған жоқ.
