Әлеуметтік желілерде сән-салтанатымен ерекшеленген үйлену тойынан түсірілген бейнежазба көпшіліктің назарын аударды. Бұл туралы Qandastar.kz сайты хабарлады.
Кадрларда тойдың басты сәніне айналған Эйфель мұнарасы үлгісінде жасалған алып торт көрсетілген. Жарық диодтарымен, әсем гүлдермен және ерекше безендіру элементтерімен көмкерілген бірнеше қабатты торт қонақтардың қызығушылығын тудырды.
Бейнежазбада жас жұбайлардың тортты бірге кесіп, оны қонақтар мен жақындарына ұсынып жатқан сәттері бейнеленген. Сондай-ақ, жиналған қауымның жас отбасыға ақжарма тілектерін арнап, қуанышқа ортақтасқаны көрінеді.
Желі қолданушылары ерекше безендірілген торт пен тойдың сәнді ұйымдастырылуына қатысты түрлі пікір білдіріп, бейнежазба қысқа уақыт ішінде кеңінен таралып, қызу талқыланып жатыр.
