جاڭالىقتار
ەۋرازيالىق بانك «ەڭ تەز تاۋار كرەديتى» جانە «اۆتوكرەديت بەرەتىن ۇزدىك بانك» ماراپاتتارىنا يە بولدى
International Business Magazine باسىلىمى جىل سايىنعى International Business Magazine Awards رەيتينگى شەڭبەرىندە ەۋرازيالىق بانكتى قازاقستانداعى «ەڭ تەز تاۋار كرەديتى» جانە «اۆتوكرەديت بەرەتىن ۇزدىك بانك» ەكى نوميناتسياسى بويىنشا اتاپ ءوتتى.
باسىلىم ساراپشىلارىنىڭ قورىتىندىسى ەۋرازيالىق بانكتىڭ قىزمەتتەرى مەن ونىمدەرىنىڭ تالداۋىنا جانە ولاردىڭ ەل نارىعىنداعى تانىمالدىعىنا نەگىزدەلگەن.
ەۋرازيالىق بانك 2022 جىلدىڭ ناتيجەلەرى بويىنشا قازاقستاندا اۆتوكولىكتەرگە نەسيە بەرۋدەن جەتەكشى ورىندا. 2021 جىلدان باستاپ ءوتىنىم بەرۋدەن باستاپ تۇپكىلىكتى شەشىم قابىلداۋعا دەيىنگى جاڭا جانە جۇرىلگەن اۆتوكولىكتەرگە نەسيە بەرۋ قاشىقتان جۇزەگە اسىرىلۋدا.
تۇتىنۋشىلارعا بولىمشەلەرگە نەمەسە ساۋدا نۇكتەلەرىنە كەلۋدىڭ قاجەتى جوق, بارلىعى ونلاين رەجيمىندە وتەدى جانە تۇتىنۋشىلار بۇگىندە بۇنى بەلسەندى تۇردە پايدالانۋدا. قىزمەتكە سۇرانىس ارتىپ كەلەدى, سالىستىراتىن بولساق, 2022 جىلدىڭ 9 ايىندا جەكە تۇلعالاردىڭ جۇرىلگەن كولىكتەردى ساتىپ الۋىنا ۇسىنىلعان نەسيە كولەمى 2021 جىلدىڭ ۇقساس كەزەڭىمەن سالىستىرعاندا 7 ەسە وسكەن.
سونداي-اق 2022 جىلى ەۋرازيالىق بانك تاۋار كرەديتتەرىن 4 سەكۋندتا ماقۇلدايتىن شەشىمدى ۇسىندى. مۇنداي جىلدام ناتيجەگە تمد-داعى ەڭ ۇزدىك gov-tech سەكتورىنىڭ جانە بانكتىڭ مەملەكەتتىك دەرەك قورلارىمەن ءوزارا بەلسەنە ارەكەتتەسۋىنىڭ ارقاسىندا قول جەتكىزىلدى. تاۋارعا كرەديت الۋ تۋرالى وتىنىمدەردىڭ 90%-دان استامى ونلاين قابىلدانعان.
«ءبىزدىڭ بانك اۆتوكرەديت بويىنشا الدىڭعى ورىندا تۇر جانە تاۋار كرەديتتەۋدە تاماشا ناتيجەلەردى كورسەتۋدى جالعاستىرۋدا. ءبىز حالىقارالىق ساراپشىلارعا ەكى تسيفرلىق ونىمىمىزگە بىردەن جوعارى باعا بەرگەنى ءۇشىن العىس بىلدىرەمىز», — دەپ اتاپ ءوتتى ەۋرازيالىق بانك باسقارماسىنىڭ توراعاسى ءلاززات ساتيەۆا.
International Business Magazine Awards — International Business Magazine ىسكەرلىك باسىلىمىنىڭ 2018 جىلى قۇرعان حالىقارالىق سىيلىعى. International Business Magazine Awards سىيلىعىنىڭ باستى ماقساتى — تاياۋ شىعىس, افريكا, امەريكا, ازيا جانە ەۋروپاداعى دامۋشى نارىقتاردىڭ, الەمدىك كوشباسشىلاردىڭ, كورپوراتسيالاردىڭ, سونداي-اق بيزنەس جانە قارجى قوعامداستىعى وكىلدەرىنىڭ ءوز سالاسىنداعى ۇزدىك جەتىستىكتەرىن اتاپ كورسەتۋ.
