Синоптиктер 2026 жылғы 5 сәуірде Қазақстанның үш қаласында ауа сапасының нашарлайтыны туралы ескерту жасады, деп хабарлайды Qandastar.kz сайты Zakon.kz порталына сілтеп.
«Қазгидромет» мәліметінше, бұл күні Атырау, Ақтөбе және Алматы қалаларында қолайсыз метеорологиялық жағдайлар қалыптасуы мүмкін. Мұндай жағдайлар желдің болмауы немесе әлсіз соғуы, тұман және ауа инверсиясы сияқты қысқа мерзімді факторлардың әсерінен туындайды. Соның салдарынан зиянды заттар атмосфераның төменгі қабатында шоғырланып қалады.
Мамандар осындай кезеңде тұрғындарға ашық ауада, әсіресе автожолдар мен ластаушы көздердің маңында ұзақ болмауға кеңес береді. Ал тыныс алу жүйесі, жүрек-қан тамырлары немесе аллергиялық аурулары бар адамдар сыртқа шыққанда қажетті дәрі-дәрмектерін өзімен бірге алып жүргені дұрыс.
