Ақтаудағы №1 қалалық сот ғимаратының маңына полицейлер мен саперлердің жиналуы тұрғындардың алаңдаушылығын тудырды, деп хабарлайды qandastar.kz порталы жергілікті Lada.kz-ке сілтеме жасап.
Маңғыстау облыстық полиция департаментінің мәліметінше, арнайы қызметтердің жұмылдырылуына сот ғимаратында жарылғыш зат болуы мүмкін деген хабарлама себеп болған.
Оқиға орнына полиция, төтенше жағдайлар қызметі және саперлер жедел жетіп, аумақты толық тексерген.
Алайда жүргізілген тексеру барысында ешқандай жарылғыш құрылғы немесе қауіпті зат анықталған жоқ.
Ведомство қоғамдық қауіпсіздікке қауіп төндірген ақпараттың расталмағанын хабарлады.
