Клара Зорина 1933 жылы дүниеге келген. Ұлты кәріс болған ардақты ұстаз ұзақ жылдар бойы орыс тілі мен әдебиетінен сабақ беріп, бар ғұмырын жас ұрпаққа білім мен тәрбие беруге арнаған.

Ол Атырау өңірінен Ақтауға қоныс аударып, Маңғыстаудағы білім саласының қалыптасуы мен дамуына өз үлесін қосты.

Клара Дмитриевнаның шәкірттерінің бірі – қазақтың көрнекті ақыны Фариза Оңғарсынова. Ақын өмірінің соңына дейін өзінің алғашқы ұстаздарының бірімен байланысын үзбей, оған деген құрметін сақтаған.

Ұстаздың мейірімі мен шәкірттеріне деген жанашырлығы оны талай жастың жүрегіне жақын етті. Оның жарқын бейнесі шәкірттері, әріптестері мен жақындарының жадында сақталмақ.

Ақтау қаласының әкімдігі мен қалалық мәслихат Клара Дмитриевнаның отбасы мен туған-туыстарына көңіл айтты.

The post Ақтауда Фариза Оңғарсынованың ұстазы өмірден өтті appeared first on QANDASTAR.KZ.

Марқұмның қазасына байланысты ҚР Мәдениет және ақпарат министрлігі оның отбасы мен жақындарына көңіл айтты.

Тілеуқабыл Мыңжасар ғұмырын журналистикаға арнап, отандық телевизия саласында ұзақ жыл еңбек етті. Ол «Хабар» агенттігінің Алматы облысындағы тілшісі ретінде өңірдегі маңызды оқиғаларды, әлеуметтік мәселелер мен елді толғандырған тақырыптарды көрерменге жедел әрі кәсіби түрде жеткізді.

Әріптестері оның журналистік шеберлігімен қатар, азаматтық ұстанымы мен жауапкершілігін жоғары бағалайды. Кәсіби жолында кейінгі буынға бағыт-бағдар беріп, өзінен кейін көптеген шәкірт қалдырды.

Министрлік таратқан көңіл айтуда Тілеуқабыл Мыңжасардың қазақ телевизиясына сіңірген еңбегі мен журналистикадағы қолтаңбасы ел жадында сақталатыны атап өтілді.

The post Қазақ журналистикасы ауыр қазаға ұшырады: Тілеуқабыл Мыңжасар өмірден өтті appeared first on QANDASTAR.KZ.

Қаралы хабарға байланысты Мәдениет және ақпарат министрлігі марқұмның отбасы мен жақындарына, әріптестері мен шәкірттеріне көңіл айтты.

Министрлік Ардақ Жамансарыұлының қазақ кино өнерінің дамуына өлшеусіз үлес қосқанын атап өтті. Ол режиссер ғана емес, бірнеше буын киногерлерді тәрбиелеген ұстаз әрі тәлімгер ретінде де ел есінде қалды.

Ардақ Әмірқұловтың «Отырардың күйреуі», «Абай», «Қош бол, Гүлсары!» секілді фильмдері ұлттық кинематографияның таңдаулы туындыларының қатарына енді. Оның шығармалары тарихи тақырыптарды, ұлттық болмысты және адам тағдырын терең әрі көркем бейнелеуімен ерекшеленді.

Мәдениет және ақпарат министрлігі таратқан көңіл айту хабарламасында режиссердің жарқын бейнесі мен қазақ мәдениетіне сіңірген еңбегі халық жадында мәңгі сақталатыны айтылды.

«Ардақ Жамансарыұлының жарқын бейнесі, өнегелі ғұмыры мен қазақ мәдениеті мен кино өнерінің дамуына сіңірген елеулі еңбегі халық жадында мәңгі сақталады», – делінген министрліктің мәлімдемесінде.

The post Қазақ киносы қара жамылды: режиссер Ардақ Әмірқұлов өмірден өтті appeared first on QANDASTAR.KZ.

Әлем назарын аударған қазақстандық алаңды италиялық беделді Dove журналы биыл міндетті түрде көруге тиіс сегіздіктің қатарына қосқан.

Жергілікті сарапшылардың сөзіне қарағанда, бұл жер адамды баяулатып, айналасындағы үнге құлақ түруге шақыратын ерекше сезімдік саяхат сыйлайды.

«Венецияның қарбалас дыбыстары біртіндеп қазақ даласының үндеріне жол беретін бұл павильон көрмедегі ең тыныш әрі көрерменді өз әлеміне жетелейтін кеңістіктердің бірі», — деді Dove басылымының редакторлары.

Еуропалық Sutton, әзербайжандық NARGIS, Таяу Шығыстағы Canvas Magazine және италиялық Il manifesto сияқты ірі басылымдар да отандық шеберлердің тарихи жады мен дала мәдениетінің ішкі үнін бейнелейтін «Qoñyr – Тыныштық мұрағаты» жобасын ерекше атап өткен. Ұйымдастырушылардың мәліметіне сүйенсек, 2026 жылдың 22 қарашасына дейін жалғасатын бұл өнер мерекесіндегі біздің экспозицияны күн сайын шамамен 1 мың адам тамашалайды.

Мәдениет және ақпарат министрлігі мен «Samruk-Kazyna Trust» қорының қолдауымен ашылған жоба ұлттық өнерді дәріптеу мақсатын көздейді. Бұған дейін аталған қордың қаражатына Қызылорда, Абай, Атырау облыстарында мәдени нысандар бой көтеріп, бірнеше өңірде жаңа креатив орталықтар іске қосылған болатын.

 

Посмотреть эту публикацию в Instagram

 

Публикация от NARGIS (@nargis_magazine)

The post Қазақстан павильоны Венециядағы көруге тиіс сегіздікке енді appeared first on QANDASTAR.KZ.

Ол зират аумағын қоршау қажеттігін айтып, жазбасын әлеуметтік желідегі парақшасында жариялаған.

Белсендінің айтуынша, Түркістанға қайтып келе жатқан жолда ол ақынның басына арнайы барып, зират аумағының қазіргі көрінісіне назар аударған.

«Кеше кешқұрым Түркістанға қайтып келе жатып, ақын Мұхтар Шаханұлы жатқан зиратқа соққан едік. Енді батып бара жатқан күнге бір мұнарасы шағылысқан зиратта Көпен Әмірбек ағамыз жатыр екен. Жатқан жерлері жайлы, топырағы торқа болсын. Ұлы ақынның басына қырқында тас қойылады дейді. Тезірек қоршап қоймаса, айналасы тапталып бара жатқандай көрінді. Зәулім үй тұрғызбаса да, сол жағын ескерсе екен…», – деп жазды ол.

Желі қолданушылары бұл пікірге байланысты түрлі көзқарас білдірді. Бірі уақытша белгі қойылғанын айтса, енді бірі зираттағы жазудың дұрыстап рәсімделмегеніне назар аударған.

Пікір қалдырушылардың кейбірі: «Уақытша ғой, артында ұл-қыздары болса, кейін басына тас қояды ғой», «Уақытша болса да белгі тақтайшаны дұрыстап жазып қойғанда болатын еді», «Қырқында көктас қойылады» деп жазған.

The post «Айналасы тапталып жатыр»: белсенді Мұхтар Шахановтың зираты туралы айтты appeared first on QANDASTAR.KZ.

Ақынның жары Ханшайым Шаханова Мемлекет басшысы Қасым-Жомарт Тоқаевқа хат жолдап, марқұмның соңғы аманаты жайлы айтқан болатын.

Онда Мұхтар Шахановтың өз туған топырағы саналатын Отырар өңіріндегі қасиетті Арыстан баб кесенесі маңына жерленуді өсиет еткені айтылған.

Артынан Қазақстан жазушылар одағы ақынның денесі Алматыдағы «Кеңсай-2» зиратында жерленетінін хабарлады.

Алайда ақынның немересі Қайырхан Балғабеков жоспарға өзгеріс енгізілгенін хабарлады.

«Аллаға сансыз шүкір, атамның соңғы аманаты орындалатын болды. Атамыз Отырарда жерленетін болды», — деп жазды ол.

Ақынмен ресми қоштасу рәсімі 21 сәуір күні сағат 09:00-де Абай атындағы Қазақ ұлттық опера және балет театрында өтеді.

The post «Отырарда жерленеді»: Мұхтар Шахановтың соңғы аманаты орындалатын болды appeared first on QANDASTAR.KZ.

Бұл туралы Қазақстан жазушылар одағы жазды.

Ақынмен ресми қоштасу рәсімі 21 сәуір күні сағат 09:00-де Абай атындағы Қазақ ұлттық опера және балет театрында өтеді.

Қоштасу рәсімінен кейін сағат 11:30-да жерлеуі жоспарланған.

Ақынның денесі Алматыдағы «Кеңсай-2» зиратында жерленеді.

Айта кетері, бұған дейін ақынның жары Ханшайым Шаханова президент Қасым-Жомарт Тоқаевқа хат жолдап, Арыстанбаб кесенесінде жерлеуін сұраған еді.

Посмотреть эту публикацию в Instagram

Публикация от ҚАЗАҚСТАН ЖАЗУШЫЛАР ОДАҒЫ (@zhazushylar_odagy)

The post Мұхтар Шахановтың қайда жерленетіні белгілі болды appeared first on QANDASTAR.KZ.

Жапаров жеделхатында ақынның тек Қазақстан үшін емес, бүкіл түркі әлемі үшін орны бөлек тұлға болғанын атап өтті.

Ол Мұхтар Шахановты қазақ халқының мақтанышы, Қырғызстанның халық ақыны және екі ел арасындағы достықты нығайтқан қайраткер ретінде сипаттады.

«Қазақ халқының біртуар перзенті, Қырғызстанның халық ақыны, белгілі мемлекет және қоғам қайраткері, Қазақстанның Қырғызстандағы тұңғыш Төтенше және Өкілетті Елшісі, Шыңғыс Айтматовтың және бүкіл қырғыз халқының досы Мұхтар Шахановтың қайтыс болғаны туралы қайғылы хабарды терең қайғымен қабылдадым», – делінген жеделхатта.

Қырғыз басшысы ақынның жарқын бейнесі мен елдер арасындағы бауырластыққа қосқан үлесі халық жадында мәңгі сақталатынын жеткізді.

The post Жапаров Мұхтар Шахановты қырғыз халқына жақын тұлға деп атады appeared first on QANDASTAR.KZ.

Мемлекет басшысы ұлт перзенті, аса көрнекті ақын, белгілі қоғам қайраткері, Халық жазушысы, Қазақстанның Еңбек Ері Мұхтар Шахановтың отбасы мен жақын туыстарына көңіл айту жеделхатын жолдады.

«Мұхтар Шаханов бар ғибратты ғұмырын қастерлі сөз өнеріне арнап, қазақ поэзиясын жаңа белеске көтерген, төл әдебиетіміз бен мәдениетіміздің көкжиегін кеңейтуге елеулі үлес қосқан қоғамымыздың тұғырлы тұлғасы еді.

Әрқашан тіл жанашыры ретінде игілікті істердің бастауында болды.

Шығармалары көптеген шет тілдеріне тәржімаланды, жалынды жырларын қалың оқырман сүйіп оқыды.

Өнегелі өмір сүріп, соңына мол әдеби мұра қалдырған Мұхтар Шахановтың жарқын бейнесі халқымыздың жадында мәңгі сақталады», – делінген жеделхатта.

The post Президент Мұхтар Шахановтың жақындарына көңіл айтты appeared first on QANDASTAR.KZ.

Ақынның жары Ханшайым Шаханова Мемлекет басшысы Қасым-Жомарт Тоқаевқа жолданған хатты көпшілікке ұсынды, деп хабарлайды qandastar.kz порталы.

Хатта Мұхтар Шахановтың өз туған топырағы саналатын Отырар өңіріндегі қасиетті Арыстан баб кесенесі маңына жерленуді өсиет еткені айтылған.

«Осындай сын сағатта ақынның ең соңғы әрі маңызды аманаты – өзінің мәңгілік тыныс табатын жері ретінде ата-бабаларымыздың киелі мекені, Отырар өңіріндегі Арыстанбаб кесенесінің іргесіне жерлену.

Аталған нысанның республикалық маңызы бар тарихи-мәдени ескерткіш екенін толық түсінеміз. Осыған байланысты жерлеу және мүмкін болатын мемориалдық белгі орнату жұмыстары Қазақстан Республикасының қолданыстағы заңнамасына, атап айтқанда «Тарихи-мәдени мұра объектілерін қорғау және пайдалану туралы» заң талаптарына және музей-қорықтың архитектуралық талаптарына толық сәйкес жүргізілетініне кепілдік береміз»,- делінген хатта.

Сонымен қатар, хат иесі мемлекет тарапынан қолдау көрсетуді сұраған.

«Осыны ескере отырып, Сізден Мұхтар Шахановтың ұлт алдындағы ерен еңбегін, тарихи тұлғасын және халықаралық деңгейдегі беделін назарға алып, оның соңғы аманатының орындалуына мемлекеттік деңгейде қолдау көрсетуіңізді сұраймын.

Ақынның киелі топырақта жерленуі – бұл тек отбасының өтініші ғана емес, бұл ұлттық рухқа, тарихқа және ұлы тұлғаға көрсетілетін зор құрмет деп білеміз. Осы мәселе бойынша тиісті рұқсаттың берілуіне ықпал етіп, сондай-ақ аталған үдерісті, Қазақстан Республикасының Мәдениет және ақпарат министрлігі және Түркістан облысының әкімдігімен үйлестіруге тапсырма беруіңізді өтінемін. Бұл — тек Шаханов отбасының ғана емес, ел ағалары мен зиялы қауым өкілдерінің ортақ тілегі. Сіздің әділ шешіміңізге және ұлттық құндылықтарға деген жанашырлығыңызға сенім арта отырып, аталған өтінішке оң шешім қабылданады деп үміттенемін», — делінген хатта.

Еске салайық, Мұхтар Шаханов кеше 84 жасқа қараған шағында өмірден өтті. Оның қазасы қазақ қоғамына ауыр қайғы болып тиді.

The post Мұхтар Шахановтың соңғы аманаты жарияланды appeared first on QANDASTAR.KZ.