Otbasyndaǵy tırandar qolynan taǵy 69 áıel men jeti bala qaza tapty

Qazaqstandaǵy Bala quqyqtary jónindegi ýákil Dınara Zakıeva byltyr elde turmystyq zorlyq-zombylyqtan 69 áıel men jeti bala qaıtys bolǵanyn málimdedi.

Balalar men áıelderdiń quqyqtaryn turmystyq zorlyq-zombylyqtan qorǵaý týraly zań jobasynyń tusaýkeseri kezinde Zakıeva turmystyq zorlyq-zombylyq pen balalarǵa qatysty jasalǵan qylmystar búgingi tańda qoǵamnyń eń ózekti máseleleriniń biri ekenin aıtty.

«О́tken jyly turmystyq zorlyq-zombylyqqa qatysty 99 myń ótinish kelip tústi. Balalarǵa qarsy 24 52 qylmys jasaldy, 69 áıel men jeti bala turmystyq zorlyq — zombylyqtan qaza tapty», — dedi ol.

Májilis depýtaty Juldyz Súleımenova zań jobasynyń jańalyǵyn aıta kele, zań normalarymen 200 AEK-ke deıin aıyppul salý, qoǵamdyq jumystarǵa 200 saǵatqa deıin tartý nemese 50 táýlikke deıin qamaýǵa alý túrindegi jazamen densaýlyqqa jeńil zııan keltirgeni úshin qylmystyq jaýapkershilik qalpyna keltirilip jatqanyn atap ótti.

«Uryp-soǵý úshin 80 AEK-ke deıin aıyppul túrinde nemese qoǵamdyq jumystarǵa 80 saǵatqa deıin tartý arqyly jaza kózdeledi», — dep atap ótti depýtat.

Sondaı-aq, jańa zańnyń normalarymen kámeletke tolmaǵan adamdy azaptaǵany, densaýlyǵyna aýyr jáne ortasha zııan keltirgeni úshin qylmystyq jazany qatańdatý josparlanýda.

«Jalpy, bul elimizdiń barlyq azamattarynyń densaýlyǵyna qatysty. Zań jobasynyń basty maqsaty – densaýlyqqa aýyr zııan keltirgeni úshin qylmystyq jaýapkershilikti 3 jyldan 5 jylǵa deıin qatańdatý», — dedi Súleımenova.

Sondaı-aq, jańa zańda depýtattar jas balany óltirgeni nemese pedofılııa úshin ómir boıyna bas bostandyǵynan aıyrýdy josparlap otyr.