Қазақстан президенті Қасым-Жомарт Тоқаев Омбыда Ресей президенті Владимир Путинмен кездесуі кезінде Украинадағы қақтығысты уақытша тоқтатып, келіссөздерді қайта жандандыруды ұсынды, дейді Qandastar.kz сайты.
«Менен пікір сұраған соң, өзімнің қарапайым ойымды айтайын: бәлкім, бұл қақтығысты уақытша тоқтатып, Стамбұл формуласына қайта оралған жөн шығар», – деді Тоқаев.
Сонымен қатар мемлекет басшысы Қазақстанның бұл мәселеде делдал рөлін атқаруға ниетті емес екенін атап өтті. Оның айтуынша, Ресейге де бұл мәселеде сыртқы делдалдардың қажеті жоқ.
