Алматыдағы Үлкен Алматы шыңы маңында тауға шыққан сегіз жасөспірім бағыттан жаңылып, өздігінен төмен түсе алмай қалған, деп хабарлайды qandastar.kz порталы.
Оқиға теңіз деңгейінен 3681 метр биіктікте болған.
Хабарлама түскеннен кейін ТЖМ-нің «Барыс» республикалық жедел-құтқару жасағы мен Алматы қаласының құтқару қызметі бірлесіп іздестіру-құтқару жұмыстарын бастады.
Мамандар жасөспірімдердің нақты орнын анықтап, оларға жедел жеткен.
Құтқарушылар жасөспірімдерді қауіпсіз бағытпен алып шығып, «Алма-Арасан» экобекетіне дейін аман-есен жеткізді. Абырой болғанда, олардың ешқайсысына медициналық көмек қажет болмаған.
ТЖМ тұрғындарды тауға шығар алдында маршрутты мұқият жоспарлап, ауа райын ескеруге және қауіпсіздік талаптарын сақтауға шақырды.
