Қостанай облысында жол апатынан 4 адам көз жұмды, деп хабарлайды qandastar.kz порталы.
Жол апаты «Қостанай – Әулиекөл – Сұрған» автожолында болды.
«Мерседес Бенс» және ВАЗ «2107» маркалы екі автокөліктің қатысуымен адам өліміне әкелген жол-көлік оқиғасы фактісі бойынша қылмыстық іс қозғалды.
Алдын ала мәліметтерге сәйкес, «Мерседес Бенц» автокөлігінің жүргізушісі қарсы қозғалыс жолағына шығып кеткен.
Қазіргі уақытта болған оқиғаның барлық мән-жайын анықтауға бағытталған қажетті тергеу әрекеттері жүргізілуде.
Полиция департаменті жүргізушілерді жол қозғалысы ережелерін қатаң сақтауға және жолда барынша мұқият болуға шақырады.
