Мамыр айының ортасынан бері Конгода 5 290 адамнан Эбола вирусы анықталған. Оның 2 516-сы қайтыс болса, 1 152 адам аурудан айыққан. Қазіргі уақытта шамамен 840 адам оқшауланған немесе медициналық мекемелерде ем қабылдап жатыр. Індет бойынша өлім-жітім көрсеткіші 47,6 пайызды құрады.

БҰҰ-ның Эболаға қарсы іс-қимыл жөніндегі аға үйлестірушісі Жюльен Харнейстің айтуынша, барлық өлім жағдайы соңғы 20 күннің ішінде тіркелген. Ол індеттің таралу қарқыны өте жоғары екенін атап өтті.

“Індет Франция аумағынан да үлкен аймаққа таралып жатыр. Ауру ошағы біздің әрекет ету шараларымыздан озып, барған сайын жылдам өршіп, кең аумақты қамтуда”, – деді Харнейс.

Індетпен күреске жергілікті жерлердегі күрделі жағдай да кедергі келтіруде. Эбола тарала бастағалы бері 160 медицина қызметкері вирус жұқтырған, олардың 43-і қайтыс болған.

Осыған байланысты БҰҰ халықаралық қауымдастықты Конго Демократиялық Республикасына шұғыл көмек көрсетуге шақырды.

АҚШ Конго үкіметіне індетпен күресу үшін 80 миллион доллар, яғни шамамен 36,7 миллиард теңге бөлді. Қаражат ауруханалардағы төсек-орын санын арттыруға және қайтыс болғандарды қауіпсіз жерлеуді ұйымдастыруға бағытталады.

Алайда БҰҰ өкілінің айтуынша, бөлінген қаржы тек бірнеше аптаға жетеді. Сондықтан індетке қарсы шараларды жалғастыру үшін қосымша халықаралық қаржыландыру қажет.

“Қаржы тек алдағы бірнеше аптаға жетеді. Содан кейін қаражат таусылады. Қаржыландыру мен қажетті шараларды жүзеге асырудағы әрбір кідіріс індеттен қаза табатындар санын арттырып, онымен күресті қиындатады әрі шығынды көбейтеді. Сондықтан бізге халықаралық қолдау шұғыл түрде қажет”, – деді Жюльен Харнейс.

The post Конгода Эбола індеті өршіп барады: 2,5 мыңнан астам адам қайтыс болды appeared first on QANDASTAR.KZ.

Бұл туралы Денсаулық сақтау министрі Ақмарал Әлназарова мәлімдеді.

Министрдің айтуынша, қайғылы жағдай оның жеке бақылауында болған.

Медициналық және фармацевтикалық бақылау комитетінің жоспардан тыс тексеруі, сондай-ақ жергілікті атқарушы органдар құрған комиссияның жұмысы нәтижесінде Маңғыстау облыстық көпбейінді балалар ауруханасы мен Ақтау қаласының №2 емханасында медициналық көмекті ұйымдастыру және көрсету кезінде өрескел кемшіліктер болғаны анықталған.

Осы тексеруден кейін облыстық балалар ауруханасының директоры қызметінен босатылды.

Ал медициналық көмек көрсетуге қатысты факт бойынша прокуратура қылмыстық іс қозғаған. Сотқа дейінгі тергеу аяқталып, іс материалдары сотқа жолданған.

Ақмарал Әлназарова медициналық көмектің сапасы мен қауіпсіздігін қамтамасыз ету мәселесі бақылауда болатынын айтты.

«Мұндай жағдайлар формалды жауаптарды емес, нақты қорытындылар мен жүйелі шешімдерді талап етеді», – деді министр.

Сондай-ақ министр Астанада қаза болған баланың анасын жеке қабылдайтынын жеткізді.

«Бұл қайғы отбасы үшін орны толмас қасірет. Кінәлілер әділ жазасын алады», – деді Ақмарал Әлназарова.

The post Маңғыстауда бала қазасына байланысты ауруханада өрескел бұзушылықтар анықталды appeared first on QANDASTAR.KZ.

Оқиға орнына жеткен жедел жәрдем бригадасы ер адамның жүрегі тоқтағанын анықтап, бірден жүрек-өкпе реанимациясын бастады.

Тексеру барысында дәрігерлер тыныс жолын бітеп тұрған чечил ірімшігін алып тастап, науқастың тыныс алу жолын қалпына келтірді.

Жүргізілген реанимациялық шаралардың нәтижесінде ер адамның жүрек соғысы қайта соғып, кейін өздігінен тыныс ала бастады.

Ол аудандық ауруханаға жеткізіліп, дәрігерлердің бақылауына алынды.

Дәрігерлердің мәліметінше, қазіргі уақытта науқастың өміріне қауіп төніп тұрған жоқ. Оны аман алып қалуға жедел жәрдем қызметкерлерінің кәсіби әрі шұғыл әрекеті себеп болды.

The post СҚО-да ірімшікке қақалып, клиникалық өлімге түскен ер адам аман қалды appeared first on QANDASTAR.KZ.

Кішкентай Аслан Қазақстанға 1 ай 18 күндік кезінде ауыр халде жеткізілген. Дәрігерлер оның өміріне қауіп төндірген жасырын ішек перфорациясын дер кезінде анықтап, шұғыл ота жасаған.

Одан кейін сәби екі ай бойы жансақтау бөлімінде неонатологтер, анестезиолог-реаниматологтер мен балалар хирургтерінің тұрақты бақылауында болды. Кешенді емнің нәтижесінде оның жағдайы тұрақтанып, салмағы 1200 грамға артып, 2500 грамға жетті.

Қазір Аслан өздігінен тыныс алады, табиғи жолмен қоректенеді. Енді ол дәрігерлердің бақылауымен емін үй жағдайында жалғастырады.

Мамандардың айтуынша, баланың өмірін сақтап қалуға уақытылы ұйымдастырылған медициналық эвакуация, жедел диагностика, шұғыл операция және дәрігерлердің кәсіби жұмысы мүмкіндік берген. Сонымен қатар, барлық медициналық көмек мемлекет есебінен тегін көрсетілген.

The post Тайландтан эвакуацияланған шақалақ екі ай күрестен кейін үйіне шықты appeared first on QANDASTAR.KZ.

Оқиға бір ай бұрын болған. Ер адамның қорасында тұрған газ баллоны жарылып, салдарынан денесінің 89 пайызы күйік шалған. Оның 15 пайызы терең күйік болған. Ең ауыр жарақат сол қолына тиген.

Науқас ауруханаға өте ауыр жағдайда жеткізіліп, алдымен шокқа қарсы ем қабылдады. Кейін дәрігерлер зақымданған қолына шұғыл қалпына келтіру операциясын жасап, бірнеше кезеңмен тері трансплантациясы мен реконструктивтік оталар жүргізді.

№4 қалалық клиникалық аурухананың күйік бөлімшесінің меңгерушісі Елдос Әлменовтің айтуынша, пациент төрт тәулік бойы жансақтау бөлімінде жатқан. Жағдайы тұрақтанған соң күйік бөлімшесіне ауыстырылған.

«Пациент бізге өте ауыр жағдайда түсті. Мұндай көлемдегі күйіктер дәрігерлер үшін ең күрделі сынақтардың бірі. Дегенмен, мультидисциплинарлық команданың үйлесімді жұмысының арқасында оның өмірін сақтап қалдық», – деді дәрігер.

Ал пациент Александр Артуков өзін емдеген барлық медицина қызметкерлеріне алғыс айтып, көрсетілген медициналық әрі моральдық қолдаудың сауығуына үлкен әсер еткенін жеткізді.

Қазір ол өздігінен жүріп-тұра алады және өзін күте алатын жағдайға жеткен. Алайда алда оны ұзақ оңалту кезеңі күтіп тұр.

The post Денесінің 90%-ы күйген: алматылық дәрігерлер 26 жастағы жігітті ажалдан арашалап қалды appeared first on QANDASTAR.KZ.

Іс-шара барысында Президент Қасым-Жомарт Тоқаев ақ халаттыларды кәсіби мерекесімен құттықтап, олардың қоғамдағы ерекше рөліне тоқталды, деп хабарлайды qandastar.kz порталы.

Мемлекет басшысы медицина қызметкерлерінің еңбегі ел үшін аса маңызды екенін атап өтті.

«Халқымыз ежелден «Бірінші байлық – денсаулық» деп бекер айтпаған. Ұлттың саулығы – мемлекеттің ең қымбат капиталы. Сондықтан денсаулық сақтау жүйесін дамыту біздің стратегиялық басымдықтарымыздың бірі болып қала береді. Дәрігерлер мен медицина қызметкерлері күн сайын мыңдаған адамның өмірі мен денсаулығы үшін күресіп келеді. Бұл – үлкен жауапкершілік пен жанкештілікті талап ететін қызмет. Мемлекет осы салада адал еңбек етіп жүрген әрбір маманның еңбегін жоғары бағалайды», – деді Президент.

Тоқаев соңғы жылдары медицина саласында қол жеткізілген нақты нәтижелерге де тоқталды.

«Бүгінде денсаулық сақтау жүйесін жаңғырту бағытында ауқымды жұмыстар атқарылып жатыр. Соның нәтижесінде еліміздегі орташа өмір сүру ұзақтығы 76 жасқа жақындады. Ана өлімі соңғы үш жылда 35 пайызға төмендесе, сәби өлімі 24 пайызға қысқарды. Бұл – Тәуелсіз Қазақстан тарихындағы ең төменгі көрсеткіштердің бірі. Мұндай нәтижелер дәрігерлердің кәсібилігі мен мемлекет тарапынан көрсетіліп жатқан қолдаудың жемісі», – деп мәлімдеді Мемлекет басшысы.

Президент денсаулық сақтау инфрақұрылымын дамыту жұмыстары жалғасатынын айтты.

«Соңғы жеті жыл ішінде елімізде 1300-ге жуық денсаулық сақтау нысаны бой көтерді. Ауылдық жерлердегі медициналық көмектің қолжетімділігі артып келеді. Сонымен қатар медициналық сақтандыру жүйесі жаңартылып, азаматтарға көрсетілетін қызметтердің сапасын арттыруға бағытталған маңызды реформалар жүзеге асырылуда. Бұл жұмыстар алдағы уақытта да жалғасады», – деді Қасым-Жомарт Тоқаев.

Президенттің айтуынша, жаңа Конституцияда денсаулық сақтау мәселесіне ерекше мән берілген. Оның сөзінше, азаматтардың денсаулығын қорғау тек дәрігерлердің ғана емес, бүкіл қоғамның ортақ міндеті.

Салтанатты жиын соңында Мемлекет басшысы барлық медицина қызметкерлеріне алғыс айтып, олардың халық денсаулығын сақтаудағы еңбегі әрдайым жоғары бағаланатынын жеткізді.

The post Ақордада дәрігерлерге құрмет көрсетілді: Тоқаев маңызды мәлімдеме жасады appeared first on QANDASTAR.KZ.

Министрліктің мәліметінше, Дүниежүзілік денсаулық сақтау ұйымы аталған жағдайға байланысты халықаралық маңызы бар төтенше жағдай жариялаған.

Қазір аурудың таралуына Эбола вирусының сирек кездесетін Bundibugyo штаммы себеп болып отыр.

Мамандардың айтуынша, бұл штаммға қарсы нақты ем де, арнайы вакцина да әзірленбеген.

Вирус жұқтырған адаммен немесе жануармен тығыз байланыс кезінде, әсіресе биологиялық сұйықтықтар арқылы таралады. Осыған байланысты ведомство шетелге шығатын азаматтарды сақтық шараларын қатаң ұстануға шақырды.

«Сапар алдында баратын елдегі эпидемиологиялық жағдаймен танысып, жеке бас гигиенасын сақтау қажет. Егер шетелден оралғаннан кейін ауру белгілері байқалса, дереу дәрігерге жүгініп, сапар фактісін хабарлау керек», – деп ескертті министрлік.

Сондай-ақ мамандар өз бетінше ем қабылдамауға кеңес берді.

The post Эбола вирусы таралып жатыр: министрлік сақ болуға шақырды appeared first on QANDASTAR.KZ.

Павлодар облыстық балалар ауруханасына ауыр көз жарақатымен үш жасар қыз бала шұғыл жеткізілген.

Бала үйде ойнап жүріп, абайсызда қайшыны көзіне сұғып алған.

Алғашында ата-анасы жарақаттың қаншалықты қауіпті екенін аңғармаған. Алайда көздің қатты қызаруы, жас ағуы және жарыққа сезімталдықтың күшеюі жағдайдың ауыр екенін аңғартқан.

Дәрігерлік тексеру кезінде көздің қасаң қабығы тесіліп, ішкі қабықтарының сыртқа шыққаны анықталған.

Офтальмологтар баланы бірден операция бөлмесіне жеткізіп, аса күрделі микрохирургиялық операция жасады.

Мамандар жыртылған қасаң қабықты тігіп, көздің анатомиялық тұтастығын қалпына келтірді. Ота сәтті өтті.

Нәтижесінде дәрігерлер баланың көзін ғана емес, көру қабілетін де толық сақтап қалды. Қазіргі таңда бала үйіне шығарылып, дәрігерлердің амбулаториялық бақылауында.

The post Павлодарда үш жасар қыз көзіне қайшы тығып алған appeared first on QANDASTAR.KZ.

Облыстық санитариялық-эпидемиологиялық бақылау

департаментінің мәліметінше, өткен жылы өңірде 32 жағдай ғана тіркелсе, биылғы қаңтардан бастап көрсеткіш 3,3 есеге өсіп отыр. Қызылшаға шалдыққан 173 адамның 155-і – балалар, біреуі жасөспірім, 17-сі ересек тұрғын.

Мамандардың айтуынша, науқастардың 76,3 пайызы екпе алмаған. Бұған медициналық қарсы көрсетілімдер, ата-аналардың қорқынышы мен сенімсіздігі, сондай-ақ діни немесе жеке көзқарастар себеп болған. Дегенмен вакцина алған балалар арасында асқыну немесе кері әсер тіркелмеген.

Дәрігерлер қызылша асқынған жағдайда отит, ларингит, энцефалит, бронхопневмония секілді ауыр дерттерге әкелуі мүмкін екенін ескертеді. Ауру салдарынан көру қабілетінің төмендеуі немесе ми қабынуы да ықтимал. Осыған байланысты мамандар ата-аналарды балаларын уақытылы вакцинациялауға шақырып отыр.

Айта кетейік, 2024 жылы облыста 3 700-ден астам адам қызылша жұқтырған. Кейін өңірде қосымша вакцинациялау жүргізіліп, нәтижесінде былтыр небәрі 32 жағдай тіркелген.

The post Ақтөбе облысында қызылша жұқтырғандар саны күрт өсті appeared first on QANDASTAR.KZ.

The post Түркістанда өз ағзасын сатпақ болған тұрғын рақымшылықпен босатылды appeared first on QANDASTAR.KZ.