Испания құрамасы футболдан 2026 жылғы әлем чемпионатының жеңімпазы атанды. Финалда испаниялықтар Аргентина құрамасын қосымша уақытта 1:0 есебімен жеңді, деп хабарлайды QANDASTAR.
Кездесудің негізгі уақыты голсыз аяқталды. Қосымша уақыттың 106-минутында Ферран Торрес шешуші голды соғып, Испанияға әлем чемпиондығын сыйлады.
Осылайша, Испания өз тарихында екінші рет әлем чемпионы атанды. Бұған дейін «Қызыл фурия» 2010 жылы Оңтүстік Африкада өткен әлем біріншілігінде жеңіске жеткен еді. Араға 16 жыл салып, испаниялықтар футбол әлемінің басты жүлдесін қайта иеленді.
Турнир барысында Луис де ла Фуэнте шәкірттері плей-офф кезеңінде Аустрия, Португалия, Бельгия және Францияны жарыс жолынан шығарды. Финалдағы жеңіс Испанияның соңғы жылдардағы табысты кезеңін жалғастырды: ұлттық құрама 2024 жылы Еуропа чемпионы атанған болатын.
Ал 2022 жылғы әлем чемпионы Аргентина титулын қорғай алмады. Осы жеңістің арқасында Испания әлем чемпионатын екі рет жеңіп алған құрамалар қатарына қосылды.
