Қазақстанда қоғамдық көліктің жаңа отандық бренді пайда болады, деп хабарлайды qandastar.kz порталы.
«Астана Моторс» компаниялар тобы елімізде «Астана» атауымен автобустар шығаруды бастайтынын мәлімдеді.
Компания төрағасы Нұрлан Смағұловтың айтуынша, жаңа автобустар қытайлық технологиялық серіктестермен бірлесіп әзірленген.
Өндірісте әлемдік жетекші өндірушілердің бөлшектері қолданылады, ал көліктің дизайнын жасауға қазақстандық инженерлер де қатысқан.
Дизель және газбен жүретін автобустардың сериялық өндірісі 2026 жылдың қараша айында басталады.
Бұдан бөлек, BYD компаниясымен бірге жаңа буындағы аккумуляторлармен жабдықталған электр көліктері әзірленіп жатыр. Ал «Астана» маркалы электр автобустарын 2027 жылдың наурызынан бастап шығару жоспарланған.
